fbpx
Close

ŞƏFA VİTAMİNİ

Tərkibi: Təzə qarağat şirəsi, təzə böyürtkən şirəsi, təzə çuğundur kökmeyvəsinin şirəsi, evkalipt, kəklikotu, dazıotu,
şirin biyan və sütül qozun ekstrakları, şəkər şərbəti, natrium-benzoat.

Farmakoloji təsiri: İmmun sistemi möhkəmləndirir, qanyaranmanı sürətləndirir, qanazlığının qarşısını alır, orqanizmin vitamin və minerallara qarşı tələbatını ödəyir, qan dövranını normallaşdırır, həzmi və maddələr mübadiləsini yaxşılaşdırır, soyuqdəymə əleyhinə təsir edir, təbii antioksidantdır.

İstifadəsinə göstəriş: Hipo- və avitaminozların, anemiyanın profilaktika və müalicəsi, uzunsürən xəstəliklər və hamiləlik zamanı vitamin və mineral çatışmazlığın korreksiyası, natamam qidalanma, məktəbyaşlı uşaqlarda psixoemosional və fiziki yüklənmə, boy və inkişafdan geriqalma, qidaya diyetik vitaminli əlavə kimi, antibiotikoterapiyanın effektivliyinin artırılması və əlavə təsirlərinin azaldılması üçün.

Əks göstəriş: Şərbətin komponentlərinə qarşı fərdi həssaslıq, şəkərli diabet.

İstifadə qaydası:
1-3 yaş – 0,5 çay qaşığından (2,5 ml) gündə 2 dəfə
3-5 yaş – 1 çay qaşığı (5 ml) gündə 2 dəfə
5-7 yaş – 1 desert qaşığı (10 ml) gündə 2 dəfə
7-12 yaş – 1 xörək qaşığı (15 ml) gündə 2 dəfə
12 yaşdan yuxarı, böyüklər – 1-2 xörək qaşığı (15-30 ml) gündə 2 dəfə.

Yeməkdən 15-20 dəqiqə əvvəl daxilə qəbul edilir.

İstifadə müddəti qurtarmış şərbətdən istifadə etməyin.

Buraxılış forması: Şüşə flakonlarda 100 ml.

Category: Product ID: 2957

Description

HERBA FLORA – ŞƏFA VİTAMİNİ

Bitkilərin müalicəvi xüsusiyyətləri insanlara qədim zamanlardan məlumdur. “Min dərd varsa, min bir də dərmanı var” deyən ulularımız xəstəlikləri bitkilərdən hazırladıqları dərmanlarla müalicə ediblər. Həmin müalicə üsulları zamanın sınağından uğurla çıxıb və elmi-texniki tərəqqi əsrində də öz əhəmiyyətini itirməyib. Son zamanlar təbii vasitələrə şəfa tapanlar, o cümlədən bitkilərlə müalicəyə üstünlük verilməsi dərman bitkiləri istehsalına ehtiyac yaratdı. Elə bu səbəbdən 1998-ci il 25 maydan etibarən HERBA FLORA şirkəti fəaliyyətə başladı. Azərbaycan florasının zəngin dərman bitkilərinin öyrənilməsi, onların toplanması, tədarükü, emalı və qablaşdırılaraq istehlakçılara çatdırılması şirkətin fəaliyyətinin əsasını təşkil edir. İstehlak bazarına çıxarılan həmin məhsullarla yanaşı xaricdən idxal olunan dərman bitkiləri də vardır. Şirkət elmi təbabətdə istifadəsinə icazə verilən dərman bitkilərinin istehsalına üstünlük verir.  

ŞƏFA VİTAMİNİ.

HERBA FLORA şirkəti istehsal etdiyi məhsulların yüksək keyfiyyətli olması üçün yeni texnologiyaları istehsalata tətbiq edir. Elə bunun nəticəsində şirkət indiyədək 200-dən artıq məhsul istehsal etməyə nail olmuşdur. Bunlardan 83-ü müalicəvi bitkilər, 24-ü bitki yığıntıları, 47-si ayrı-ayrı xəstəliklərin profilaktika və müalicəsində istifadə olunan fitoçaylar, 9-u şərbət, 4-ü müalicəvi Fitoton xınaları, 4-ü Fitoton həftəlik üz maskaları və gilləri, 3-ü Fitolosyon, ŞƏFA VİTAMİNİ, 15-i müalicəvi Fitooil yağları, Ağrımaz kremi, 8 növdə Fitoton şampunları, 3 növdə Fitoton duş gelləri, Fitoton saç balzamı, Fitooil əl və üz kremləri, həmçinin Lorosept HF drajesidir. Əhalinin şirkətə olan çoxsaylı müraciətlərinə əsaslanaraq Herba Flora saytında, eləcədə Herba Flora və Zərif Çayları Facebook səhifəmizdə sual-cavab bölmələri fəaliyyətə başladı. Hal-hazırda şirkətin nəzdində ailəvi istirahət məkanı olan dörd Fito Club fəaliyyət göstərir.

İstehlakçıları yüksək keyfiyyətli dərman bitkiləri və fitoçaylarla, həmçinin bitki ekstraktları ilə təmin etməyi qarşısına məqsəd qoyan, yeni növ məhsulların istehsalı üçün tədqiqatlar aparan HERBA FLORA şirkəti ATU-nun Əczaçılıq fakültəsinin, Turizm İnstitutunun tələbə-təcrübə bazasıdır. Həmçinin, Tibb Universitetində keçirilən konfrans və seminarlara təşkilati dəstək göstərir. HERBA FLORA şirkəti beynəlxalq İSO 9001:2008 keyfiyyəti idarəetmə sisteminin standartlarına uyğun fəaliyyət göstərir. Şirkətimiz 2013-cü ildə Gözəllik sərgisinin, 2009, 2010, 2011, 2012, 2014, 2015 və 2016-cı illərdə Azərbaycan Beynəlxalq Səhiyyə, Gözəllik və Estetik Tibb sərgilərinin, iştirakçısı olmuş, “Ən yaxşı məhsul nümayişi”, “Ən yaxşı korporativ stil” və “Ən uzunmüddətli iştirakçı” sertifikatlarına layiq görülmüşdür. Məhsulları ilə istehlakçıları daim məmnun edən HERBA FLORA yeni məhsulların istehsalını davam etdirir. 

http://fizulihuseynov.com/

https://www.herba-flora.com/