fbpx
Close

RENOKAPS ŞƏRBƏTİ

Tərkibi: 

Gülümbahar çiçəyinin, gicitkən yarpağının, adi boymadərən otunun, razyana meyvəsinin, çöl qatırquyruğu otunun və tozağacı yarpağının duru ekstraktı, şəkər şərbəti, limon turşusu, natrium benzoat.

Farmakoloji təsiri: 

Renokaps şərbətinin tərkibindəki bitkilər bioloji aktiv maddələrlə zəngindir. Bu bioloji aktiv maddələrin hesabına şərbət maddələr mübadiləsini tənzimləyir, böyrək və sidik axarlarına iltihab əleyhinə, uroseptik təsir göstərir, diurezi artırır, sidiklə zülal itkisinin qarşısını alır. Spazmolitik, sidikqovucu effektlərə malikdir, regenerasiyanı sürətləndirir. Sidikdə müdafiə kolloidləri yaradaraq mineral komponentlərin kristallaşmasının qarşısını alır.

İstifadəsinə göstəriş: 

Pielonefrit, sistit, uretrit, hamiləliyin II yarısının toksikozu (periferik ödemlər, nefropatiya)

İstifadə qaydası:

1-5 yaş – 1-2 çay qaşığı gündə 2-3 dəfə;

5-12 yaş – 1-2 desert qaşığı gündə 3 dəfə;

12 yaşdan yuxarı, böyüklər – 1-2 xörək qaşığı gündə 3 dəfə.

Əlavə təsirləri və əks-göstərişlər: 

Şərbətin tərkibinə daxil olan bioloji aktiv maddələrə qarşı yüksək fərdi həssaslıq.
Tərkibində şəkər olduğuna görə şəkərli diabetlə xəstə olanlar ehtiyatla istifadə etməlidir.

İstifadə müddəti qurtarmış şərbətdən istifadə etməyin.

Buraxılış forması: Şüşə flakonlarda 100 ml.

Category: Tag: Product ID: 2865

Description

HERBA FLORA.

RENOKAPS

Bitkilərin müalicəvi xüsusiyyətləri insanlara qədim zamanlardan məlumdur. “Min dərd varsa, min bir də dərmanı var” deyən ulularımız xəstəlikləri bitkilərdən hazırladıqları dərmanlarla müalicə ediblər. Həmin müalicə üsulları zamanın sınağından uğurla çıxıb və elmi-texniki tərəqqi əsrində də öz əhəmiyyətini itirməyib. Son zamanlar təbii vasitələrə, o cümlədən bitkilərlə müalicəyə üstünlük verilməsi dərman bitkiləri istehsalına ehtiyac yaratdı. Elə bu səbəbdən 1998-ci il 25 maydan etibarən HERBA FLORA şirkəti fəaliyyətə başladı. Azərbaycan florasının zəngin dərman bitkilərinin öyrənilməsi, onların toplanması, tədarükü, emalı və qablaşdırılaraq istehlakçılara çatdırılması şirkətin fəaliyyətinin əsasını təşkil edir. İstehlak bazarına çıxarılan həmin məhsullarla yanaşı xaricdən idxal olunan dərman bitkiləri də vardır. Şirkət elmi təbabətdə istifadəsinə icazə verilən dərman bitkilərinin istehsalına üstünlük verir.

HERBA FLORA şirkəti istehsal etdiyi məhsulların yüksək keyfiyyətli olması üçün yeni texnologiyaları istehsalata tətbiq edir. Elə bunun nəticəsində şirkət indiyədək 200-dən artıq məhsul istehsal etməyə nail olmuşdur. Bunlardan 83-ü müalicəvi bitkilər, 24-ü bitki yığıntıları, 47-si ayrı-ayrı xəstəliklərin profilaktika və müalicəsində istifadə olunan fitoçaylar, 9-u şərbət, RENOKAPS, 4-ü müalicəvi Fitoton xınaları, 4-ü Fitoton həftəlik üz maskaları və gilləri, 3-ü Fitolosyon, 15-i müalicəvi Fitooil yağları, Ağrımaz kremi, 8 növdə Fitoton şampunları, 3 növdə Fitoton duş gelləri, Fitoton saç balzamı, Fitooil əl və üz kremləri, həmçinin Lorosept HF drajesidir. Əhalinin şirkətə olan çoxsaylı müraciətlərinə əsaslanaraq Herba Flora saytında, eləcədə Herba Flora və Zərif Çayları Facebook səhifəmizdə sual-cavab bölmələri fəaliyyətə başladı. Hal-hazırda şirkətin nəzdində ailəvi istirahət məkanı olan dörd Fito Club fəaliyyət göstərir.

İstehlakçıları yüksək keyfiyyətli dərman bitkiləri və fitoçaylarla, həmçinin bitki ekstraktları ilə təmin etməyi qarşısına məqsəd qoyan, yeni növ məhsulların istehsalı üçün tədqiqatlar aparan HERBA FLORA şirkəti ATU-nun Əczaçılıq fakültəsinin, Turizm İnstitutunun tələbə-təcrübə bazasıdır. Həmçinin, Tibb Universitetində keçirilən konfrans və seminarlara təşkilati dəstək göstərir.
HERBA FLORA şirkəti beynəlxalq İSO 9001:2008 keyfiyyəti idarəetmə sisteminin standartlarına uyğun fəaliyyət göstərir. Şirkətimiz 2013-cü ildə Gözəllik sərgisinin, 2009, 2010, 2011, 2012, 2014, 2015 və 2016-cı illərdə Azərbaycan Beynəlxalq Səhiyyə, Gözəllik və Estetik Tibb sərgilərinin, iştirakçısı olmuş, “Ən yaxşı məhsul nümayişi”, “Ən yaxşı korporativ stil” və “Ən uzunmüddətli iştirakçı” sertifikatlarına layiq görülmüşdür. Məhsulları ilə istehlakçıları daim məmnun edən HERBA FLORA yeni məhsulların istehsalını davam etdirir.

HERBA FLORA.RENOKAPS