fbpx
Close

Nevronat Şərbəti – Nevrozun Müalicəsi, Nevroz Dərmanları

Tərkibi: Pişikotu kökünün, damotu otunun, cirə meyvəsinin və razyana meyvəsinin duru ekstraktı, şəkər şərbəti, limon turşusu, natrium-benzoat.

İstifadəsi: Nevrozun müalicəsi üçün istifadə olununa nevroz dərmanı nevronat şərbətinin tərkibindəki bitkilər bioloji aktiv maddələrlə zəngindir. Bu bioloji aktiv maddələr sinir oyanıqlığını azaldır, əsəbləri sakitləşdirir, stress və qıcıqlanmanın qarşısını alır. Həmçinin sinir pozğunluğu ilə əlaqədar meydana aritmiya, təzyiqin yüksəlməsi, baş ağrıları, əzələ ağrıları, həyəcan, yuxusuzluq, narahatlıq və s. nevrotik proseslərin qarşısını alır. Şərbət sinir xəstəliklərinin profilaktika və müalicəsi üçün istifadə oluna bilər.

İstifadə qaydası:

1 yaşa qədər 0,5-1 çay qaşığından gündə 2-3 dəfə;

1-5 yaş – 1-2 çay qaşığı gündə 2-3 dəfə;

5-12 yaş – 1-2 desert qaşığı gündə 3 dəfə;

12 yaşdan yuxarı, böyüklər – 1-2 xörək qaşığı gündə 3 dəfə.

Əlavə təsirləri və əks göstərişlər: Şərbətin tərkibinə daxil olan bioloji aktiv maddələrə qarşı yüksək fərdi həssaslıq. Tərkibində şəkər olduğuna görə şəkərli diabetlə xəstə olanlar ehtiyatla istifadə etməlidir.

İstifadə müddəti qurtarmış şərbətdən istifadə etməyin.

Buraxılış forması: Flakonlarda 100 ml.

Description

Nevroz sinir sisteminin funksional fəaliyyətinin pozulmasıdır. Əqli və fiziki fəaliyyətin azalması ilə özünü büruzə verir. Nevroz geridönən proses olub irsən keçmir və hər zaman psixi travmalar zəminində yaranır. Xroniki nevroloji pozğunluq olduğu üçün uzun müddət davam edir. Tibdə nevrozun depressiv, isterik, nevrasteniya, bulemik nevroz kimi bir sıra növləri ayırd edilir. Nevroz səbəbi kimi çox vaxt psixiloji və fiziki səbəblər göstərilir. Qeyd edək ki, nevrozun müalicəsi tam təbii üsula mümkündür. Nevroz dərmanları arasında tibbi və təbabət xüsusiyyətli olanları vardır. Bir sıra ağır xəstəliklər, sosial-məişət problemləri ilə sinir sisteminin həddən artıq yüklənməsi, gündəlik həyatda hər hansı bir çətinliyin öhdəsindən gələ bilməmə, yaxın qohumu, doğma bir kimsəni itirmə, nəticədə alınan psixi travma nevroz səbəbi ola bilər. Nevrozun xəstələrdə  somatik və psixi simptomları ayırd edilir. Məsələn: başağrısı, ürək və əzələ ağrıları, tez-tez sidiyəgetmə çağırışları, tez yorulma, halsızlıq, yuxululuq, başgicəllənmə, həddən artıq tərləmə, kişi və qadınlarda cinsi həvəsin azalması, yuxu pozğunluğu və s. somatik simptomlar hesab olunur.

Emosional sferada gərginlik, yaddaş pozulması, ətraf mühitin qıcıqlandırıcı faktorlarına qarşı hədsiz həssaslıq, özünəqapanma, adi həyat hadisələrinə qarşı kəskin cavab reaksiyası, yersiz əsəbilik, hiddətlənmə nevrozun psixi simptomlarına aid edilir. İlk baxışdan xəstələrdə nevroloji pozğunluq çox da dəqiq sezilmir. İnsanlar heç nə olmamış kimi öz həyatlarına davam edirlər və nevrozun müalicəsi üçün mütəxəssislərə müraciət etmirlər.

Günlər keçdikcə nevroz dərinləşir və xəstənin həm əqli, həm də fiziki fəaliyyəti pozulur. Onlarda ətraf mühit faktorlarına qarşı qeyri-adekvat reaksiya formalaşır, bəzilərində isə vəziyyət daha da kəskinləşir. Nevrozun müalicəsi üçün vaxtında həkim-mütəxəssisə müraciət etmək və yaşam tərzini dəyişmək lazımdır. Xəstəliyin ilkin mərhələlərində nevrozun müalicəsi daha asan olur. Ağır mərhələlərdə isə xəstələrdə geridönməyən dəyişikliklər müşahidə olunur.

Nevroz zamanı ikitərəfli kompleks müalicə aparılmalıdır: psixoterapiya və nevroz dərmanları ilə müalicə. Xəstələr tərəfindən psixoterapevt seansları qəbul etmək, öz fikir və düşüncələrini yeniləyərək psixi gərginlikdən azad olmaq və həyata yenidən başlamaq çox önəmlidir. Digər tərəfdən isə onlardakı həyəcanı, gərginliyi, panik atakları azaldan sedativ, trankvilizator, neyroleptik kimi həkim tərəfindən təyin olunmuş bir sıra nevroz dərmanları qəbulu kompleks müalicədə xüsusi yer tutur.

Nevrozdan əziyyət çəkən insanlar ilk növbədə öz həyat fəaliyyətinin keyfiyyətini, yaşam tərzini yaxşılaşdırmalı, imkan daxilində stress, gərginlikdən uzaq durmalıdır. Onu da qeyd edim ki, müalicə zamanı nevroz dərmanları ilə yanaşı bəzi xalq təbabəti vasitələrindən də istifadə etmək olar.

Pişikotu, razyana, damotu, yemişan, çobanyastığı, nanə, dazıotu, kəklikotu və s. kimi sakitləşdirici, antidepressant təsirli bitkilərin nevroz dərmanları ilə yanaşı şəkildə qəbulu xəstələrdə sinir sisteminin və ürəyin fəaliyyətini yaxşılaşdırır, onlarda əhval-ruhiyyəni yüksəldir, yuxu rejimini tənzimləyir. Özünüzdə nevroz əlamətləri aşkarlayan kimi tez bir zamanda həkimə müraciət edin! Vaxtında aşkarlanmış nevroz müalicəyə daha tez tabe olur və ağır nəticələrə gətirib çıxarmır.