HERBA FLORA







 

Məşhur təbib İbn-Sina “Hərəkət-həyatdır, ancaq hərəkət ağrıyla müşahidə olunduqda həyat-əzaba çevrilir” demişdir.

Dırnaq batması gündəlik həyatda tez-tez rast gəlinən və dözülməz ağrılarla müşahidə olunan xəstəlikdir. Xəstəliyə daha çox ayaq dırnaqlarında xüsusilə də baş barmağın dırnağında rast gəlinir. Bu zaman dırnağın kənarları dırnaq yatağının içərisinə doğru inkişaf edir, ətraf yumşaq toxumalarda iltihabi prosesə səbəb olur.

 

Səbəbləri:

  • İrsi - dırnağın qeyri düzgün inkişafına meyillik, eninə və boylama irsi yastıpəncəlilik zamanı müşahidə olunan baş barmağın əyilməsi;
  • Düzgün seçilməyən ayaqqabı - ayaq pəncəsi geniş olan insanlar dar və sivri burunlu ayaqqabı geyən və iş şəraitiylə əlaqədar uzun müddətli ayaqüstə duran zaman dırnağın kənarına, yastığına davamlı təzyiq nəticəsində dırnaq içəriyə batır;
  • Göbələk infeksiyası - göbələk infeksiyası zamanı dırnaq zədələnir, kobudlaşır dırnaq yastığını zədələyir;
  • Ayaqların çox tərləməsi - bu zaman dırnağın kənarındakı dəri yumşalır və dırnaq daha asan bata bilir;
  • Travma - donma, çıxıq, kəsilmə, barmağın zədələnməsi. Barmağın zədə alması zamanı dırnağın içəri batması futbolçularda, marafon qaçışı ilə məşğul olanlarda daha çox baş verir.
  • Dırnağın düzgün kəsilməməsi - xəstəliyin yaranma səbəblərindən ən geniş yayılanıdır. Dırnağın kənarlarının qısa və qeyri düzgün kəsilməsi zaman yaranır. Bir cox insanlar ayaq dırnaqlarını kəsərkən dırnaqları dibdən və oval şəkildə kəsirlər, bundan sonra da dırnaqların ön kənarları dəri altına doğru böyüyərək içəri batmasına səbəb olur.

Simptomlar

Dırnaq batması birdən-birə özünü büruzə vermir. İlk vaxtlarda həmin nahiyədə həssaslıq, yüngül qızartı müşahidə olunur, xüsusilə dar ayaqqabı geyən və uzun müddət ayaqüstə duran zaman ağrılar müşahidə olunur. Proses dərinləşdikcə ətraf toxumalar prosesə cəlb olunur, iltihablaşır. Barmaq uclarında, xüsusilə dırnaq ətrafında sinir ucluqları olduqca çoxdur. Yaranan iltihabi proses zamanı zədələnən sinirlər xəstədə dözülməz ağrılara səbəb olur. Ətraf toxumaları qızarır, ödemləşir, dırnağın altından irin xaric olur. Dırnağı batan barmaq ümumilikdə göyümtül-qırmızı rəng alır, şişkinləşir, ölçüləri böyüyür. Proses dərinləşdikdə sakitlik zamanı da ağrılar müşahidə olunur. Dırnağın ətrafında iltihablaşmış yumşaq toxumalar böyüyür, davamlı qıcıqlanma nəticəsində yara əmələ gəlir. Bu zaman əmələ gələn qranulyasion toxuma qırmızı ətəbənzər şəkildə dırnaq kənarından çıxır. Bu da öz növbəsində dırnağa təzyiq edərək prosesi dərinləşdirir. Artıq yüngül toxunma belə xəstədə şiddətli ağrılara səbəb olur. Davamlı iltihabi proses nəticəsində dırnaq parlaqlığını itirir, kənarı qalınlaşır, təbəqə şəklində soyulur.

 

İltihabi prosesin uzun müddət davam etməsi şəkərli diabet və obliterasiyaedici endartriti olan xəstələrdə daha təhlükəlidir, çünki proses ayaq pəncəsinin fleqmonası və ya qanqrenası ilə nəticələnə bilər. Ona görə də bu tip xəstələr dırnaq kəsərkən və ayaqqabı seçərkən çox diqqətli olmalıdır.

 

Reseptlər:

  • 3 litr isti suya bir dolu xörək qaşığı çay sodası əlavə edilir, ayaqlar 20 dəqiqə vanna edilir. Bu zaman dırnaq yumşalır, kəsmək və üzərində işləmək daha rahat olur.
  • 5-6 filtr Teasept çayı 1 litr qaynar suda dəmlənir, isti dəmləmə ilə ayaqlar vanna edilir. Dəmləmədən çıxan filtr bağlamaları zədə nahiyəsinə qoylur bir neçə saat saxlanır.
  • Aloe yarpağı kəsilir, nazik təbəqə şəklində üst qabığı soyulur, xırdalanaraq əzilir və üzərinə azca isti su əlavə edərək qarışdırılır. Alınmış kütlə zədəli nahiyəyə qoyulur, üzəri polietilenlə bağlanır. Bir gün saxlanır.
  • Qabığı soyulmuş aloe yarpağı ortadan kəsilir içəri tərəfi yaranın üzərinə olmaq şərtiylə zədə nahiyyəsinə qoyulur üzəri bağlanır, bir gecə saxlanır.
  • Orta ölçülü soğan soyulur ət çəkən maşından keçirilir, üzərinə bir xörək qaşığı bal əlavə edilir, qarışdırılır. Zədə nahiyəsi sodalı suyla təmizləndikdən sonra hazırlanan kütlə yaranın üzərinə qoyulur. Üzərinə rezin barmaqcıq geyilir. Bir gün saxlanır.

 

Məsləhətlər:

  • Dırnaq düzgün tutulmalı, çox qısa kəsməkdən qaçınılmalı;
  • Burnu çox sivri və dar ayaqqabılardan uzaq durmalı;
  • Ayaqların tərləməsinin qarşısını almalı;
  • Şəxsi gigiyena qaydalarına əməl etməli.

Aygün HÜSEYNOVA

həkim-pediatr 

 

 

скачать dle 10.6фильмы бесплатно






Jurnal 2015


Şərbətlər


Kapsullar




      English language


Fitooil

Fitoton Şampun

Fitoton Xınalar

Ağrımaz Krem